5 Best Classic Shahi Tukray Recipe The Ultimate Royal Desi Dessert
Ye Classic Shahi Tukray Recipe meri nano ki special recipe hai jab bhi main apni nano ke ghar jaati hoon to wo mere khaas tor per banati thi me ne ye recipe khass tor un se seekhi jab wo banati theen to me khush ho kar khati thijab wo bana rahi hoti thi to me saath saath khana shuru ho jaati thi khane ka shouk sirf pet bharna hi nahi hota balke balke ye aik aisa safar hai jo aap ko purani yadon aur naye zaikon ke qareeb lata hai jab bhi hum kuch naya banane ka sochte hain to ye Shahi Tukray Recipe banane ko dil chahta hai
Introduction Classic Shahi Tukray Recipe
Agar aap dinner par koi meetha banana chahte hain to Classic Shahi Tukray jaisi koi cheez nahi hai. ye fry kiye hue bread slice jinhain khushboodaar saffron wale cheeni ke sheeray mei bhigo kar aur us par raberi aur khushk meway daal kar serve kia jaata hai mughlon ke dor se shuru hone wali ye dish sunne me aur dekhne me bahout shandaar lagti hai isse ghar par banana bahot asaan hai Sirf kuch bunyadi ingredients ke sath, aap restaurant jaisi authentic mithaas ko seedhe apne dining table par la sakte hain.
Description Classic Shahi Tukray Recipe
Ghar per Classic Shahi Tukray banana seekhain is assan recipe ke saath fry kiye hue bread slices jinhain khushboodaar saffron wale sheeray me bhigoya gaya hai,aur ooper se rabri aur khushk mewajaat daal dain ye khaas mauquon ke liye aik khaas dish hai
- ⏱ Prep Time:
15 minutes - Cook Time:
30 minutes - Total Time:
45 minutes - Servings:
6 servings - Calories:
~350 kcal
👑 Ingredient Classic Shahi Tukray Recipe
🍞 Base aur Bread ke liye:
- Bread Slices: 6–8 bread ke slices crispy banane ke liye thori purani ya khuli hawa mein rakhi hui bread behtareen rehti hai
- Ghee ya Butter: Bread ko shallow fry karne ke liye ghee se bohot hi shandaar aur asali khushboo aati hai
🍯 Chashni ke liye:
- Cheeni: 1 cup
- Paani: ½ cup
- Hari Elaichi Powder: ½ tsp
- Zafran: Kuch chutki (rang aur behtareen khushboo ke liye)
- Arqe Gulab: 1 tsp
Rich Rabri (Creamy Doodh ki Layer) ke liye:
- Khalis Doodh: 1 liter
- Condensed Milk: ¼ cup (ya hasb-e-zaroorat cheeni, jaldi gaadha karne ke liye)
- Khoya: ¼ cup (optional hai, lekin is se texture bohot acha ho jata hai)
- Elaichi Powder: ¼ tsp
- Katy Huwe Meway: Badam, piste, aur sajawat ke liye chandi ka warq
Step-by-Step Instructions Classic Shahi Tukray Recipe
Step 1: Rabari ki tayarri
Aik barre pateele me khalis doodh daalain aur phir darmiyani aanch per ubaal lain aanch ko halka rakhain aur phir dheemi aanch par pakne dain beech-beech mein chamach chalate rahein aur kinaron se malai utaar kar wapas pateelay mein mix karte rahein yahaan tak ke doodh aadha reh jaye is ke baad condensed milk khoya elaichi powder daal dain aur phir thori der baad chulha band kar dain
Step 2: Chashni Banayein
Ek alag pateelay mein cheeni aur paani mila lein itna garam karain ke cheeni mukammal tor per hal ho jaye isse 5 minute tak dheemi aanch par pakne dein yahan tak ke yeh halki chipchipi ho jaye is me elaichi powder zafron arqe gulab shamil kar dain Sheeray ko garam rakhein.
Step 3: Bread Slices ko Fry Karein
Bread ke slices ko apni pasand ke mutabik kaat lain Ek khule pateelay mein darmiyani-taiz aanch par kaafi miqdaar mein ghee garam karein. Bread fry karein yahan tak ke woh dono taraf se sunehri ho jayein is ke baad unhain nikaal lain aur phir paper towel par rakh dain taake extra oil nikal jaye.
Step 4 aur 5: Assemble, Garnish aur Chill Karein
- Har fry kiye hue bread slice ko garam sugar sheeray mein dono taraf se sirf 2 se 3 second ke liye daalain taake woh bina ghule hue meetha jazb kar lein.
- Bheege hue bread slices ko ek khule serving dish mein khubsurat tarike se saja kar rakh dein.
Step 5: Garnish aur Chill Karein
Tayar ki hui garam ya thandi rabri ko bheege hue bread slices ke upar khub bhar kar daal dein
Upar se bohot saare kate hue badam, piste aur thode se chandi ke warq se garnish karein.
isse garam serve karain ya thanda dono tareekon se is ka zaiqa mazedaar ho ga ✨
Pro Tips for the Best Classic Shahi Tukray Recipe
Thori Khushk Bread Istamal Karein:
Taaza bread ziada oil jazb kar leti hai aur toot jaati hai
Behtreen fry karne kayliye bred ko khuli hawa me chor dain
2. Bohot Zyada Na Bhigoyein
Bread ko sheeray) mein bohot tezi se dip karein. Agar bohot dair tak chhorra gaya to toh bread rabri ke neeche apna crunch khone ke bajaye us me ghul jaye ga
3. Pure Ghee sab se Aham hai:
Shahi Tukray Recipe me oil bhi use kiya ja sakta hai, lekin bread ko pure desi ghee mein fry karne se woh behtareen aur asll zaiqa milta hai jo Shahi Tukray ki pehchan hai.
Frequently Asked Questions Classic Shahi Tukray Recipe
Q: Kya main party ke liye Shahi Tukray pehle se bana kar rakh sakta hoon
A: Ji haan aap mehmano ke aane se pehle 3 se 4 ghante pehle Shahi Tukray Recipe bana kae rakh sakte hain balke isse thanda karne se ziada ziada barrh jaata hai
Q: Agar mere paas Khoya na ho toh main kya use kar sakta hoon
A: Agar aapke paas khoya na ho to powder milk ya condenced milk shamil kar sakti hain
Q: Main bread ko zyada naram hone se kaise bacha sakta hoon
A: Iska tareeqa yeh hai ke fry kiye hue bread slices ko sheeray mein bohot tezi se dip karein (dono taraf sirf 2 se 3 second ke liye). Unhein sheeray mein doobo kar mat chhorein taake creamy rabri ki layer ke neeche bread ka acha zaiqa barqraar rahe
Conclusion Classic Shahi Tukray Recipe
Mujhay umeed hai ke aap ko aap ke ghar walon ko ye Shahi Tukray Recipe achi laggi ho gi jitni humain achi lagti hai agar aap is recipe ko banai to to mujhay comment zaroor batain ke ye kaisi laggi is aik wajah ye hai ke Shahi Tukray Recipe hamesha sab ki pasandeeda rahi hai agli martba family dinner par zaroor banain aur dekhein ke sabhi doosri baar mangne par kaise majboor ho jate hain
Aap ko hamaari ye recipe kaisi lagi?Hum umeed karte hain ke aapko yeh Classic Shahi Tukray Recipe zaroor pasand aayi hogi. Agar aapne isay try kiya hai, toh apna experience hamare sath comments section mein zaroor share kar
4 Comments
habib · September 3, 2026 at 7:58 am
delicious
shahmuhammadshazia@gmail.com · September 3, 2026 at 11:33 am
Thank you for your feedback!
shahmuhammadshazia@gmail.com · September 3, 2026 at 11:34 am
Thank you so much
shahmuhammadshazia@gmail.com · September 3, 2026 at 11:35 am
Thank you so much!